FREE CHROME EXTENSION · V1.0

Bahaa's Story Tool

من الفكرة للفيديو، خطوة بخطوة.

اكتب فكرة صغيرة، وخد قصة على مقاس المدة، وشخصيات ثابتة الشكل، وستوري بورد كامل: لكل مشهد برومبت صورة لأول لقطة، وبرومبت فيديو بيحرّكها. ولما تولّد صورة المشهد، ارفعها، وخد برومبت فيديو مكتوب على الصورة نفسها.

حمّلها مجانًا إزاي تركّبها
  • مجانية للجميع
  • قصص بالعامية المصرية أو الفصحى أو الإنجليزي
  • مشاريعك على جهازك
01 / THE FLOW

5 خطوات من الفكرة للفيديو.

كل خطوة بتبني على اللي قبلها، وتقدر ترجع لأي خطوة وتعدّل في أي وقت.

  1. 01الفكرة

    حدد الشكل والمدة والمقاس والستايل، واكتب فكرتك أو خد 3 أفكار مختلفة.

  2. 02القصة

    قصة على مقاس المدة، متقسّمة لنقط رئيسية تعدّل فيها براحتك.

  3. 03الشخصيات

    كل شخصية ليها DNA ثابت، وصورة مرجعية، وتتحفظ في مكتبة.

  4. 04المشاهد

    ستوري بورد ببرومبت صورة وبرومبت فيديو لكل مشهد.

  5. 05التصدير

    ستوري بورد PDF، والبرومبتات كلها، وسكريبت الصوت.

02 / IMAGE → VIDEO

برومبت فيديو مكتوب على صورتك.

أكبر مشكلة في الفيديو بالذكاء الاصطناعي إن برومبت الفيديو بيوصف حاجة، والصورة فيها حاجة تانية. هنا الأداة بتبص على الصورة اللي انت ولّدتها، وتكتب الحركة على اللي فيها بالظبط.

  1. ولّد صورة المشهد ببرومبت الصورة في أي أداة.
  2. ارفعها في المشهد: ضغطة، أو سحب، أو لصق، أو كليك يمين على الصورة في أي موقع.
  3. دوس «اكتب برومبت الفيديو من الصورة» وخد برومبت بيحرّك الصورة دي بالظبط، ومعاه ملاحظات لو فيه حاجة في الصورة مختلفة عن المشهد.
03 / CONSISTENT CHARACTERS

شخصيات شكلها مبيتغيّرش.

كل شخصية ليها «DNA»: وصف إنجليزي دقيق بيتحط في كل برومبت صورة، علشان البطل يفضل هو هو من أول مشهد لآخر مشهد.

  • ارفع صورة مرجعية، والأداة تكتب الوصف من الصورة.
  • ثبّت الشخصية اللي عجبتك، فمتتغيّرش لو ولّدت تاني.
  • احفظها في «مكتبة الشخصيات» واستخدمها في مشاريع تانية.
خطوة الشخصيات: صورة مرجعية ووصف ثابت
04 / EXPORT

ستوري بورد جاهز للفريق.

اطبعه، أو احفظه PDF، أو خد البرومبتات كلها مرة واحدة.

ستوري بورد للطباعة فيه القصة والشخصيات والمشاهد

بتكتب البرومبتات بالأسلوب اللي يناسب أداتك: Midjourney · Gemini / Imagen · ChatGPT Image · Flux للصور، وVeo · Kling · Runway · Sora · Hailuo للفيديو.

05 / INSTALL

إزاي تركّبها في دقيقتين.

الإضافة لسه مش على متجر كروم، فهتركّبها يدوي. الخطوات دي بتتعمل مرة واحدة بس.

  1. حمّل الملف وفك ضغطههيطلعلك فولدر اسمه BAHAAS_STORY_TOOL_V1.0.0. سيبه في مكان ثابت.
  2. افتح صفحة الإضافاتاكتب chrome://extensions في شريط العنوان.
  3. شغّل Developer modeمن الزرار اللي فوق على اليمين.
  4. دوس Load unpackedواختار الفولدر. أيقونة S البنفسجي هتظهر جنب شريط العنوان.
  5. حط مفتاح Geminiمن Google AI Studio. أو افتح «المشروع التجريبي» الأول وشوف النتيجة من غير مفتاح.
06 / FAQ

أسئلة بتتسأل كتير.

هي بتولّد الصور والفيديو نفسهم؟

لأ. هي بتكتب القصة والستوري بورد والبرومبتات، وانت بتولّد الصور والفيديو في الأداة اللي بتحبها. وبعدها ترجّع الصورة للأداة علشان تكتبلك برومبت الفيديو عليها.

ينفع أكتب بالعامية المصرية؟

أيوه، العامية المصرية هي الاختيار الأساسي للقصة والحوار والراوي. وتقدر تختار فصحى أو إنجليزي. البرومبتات نفسها دايمًا بالإنجليزي، علشان أدوات التوليد بتفهمها أحسن.

هي مجانية فعلًا؟

أيوه، ومفيش أي حد أو اشتراك من عندي. الكتابة بتتم بـ Gemini بمفتاحك انت، فاستخدامها بيتحسب على حسابك في Google وحسب شروطهم.

مشاريعي بتتحفظ فين؟

على جهازك بس، جوه المتصفح. خد نسخة احتياطية من خطوة «التصدير» (ملف JSON) وتقدر تفتحها تاني في أي وقت. التفاصيل في سياسة الخصوصية.

أقدر أستخدم نفس الشخصيات في كذا فيلم؟

أيوه. احفظ الشخصية في «مكتبة الشخصيات»، وهتلاقيها في أي مشروع جديد بضغطة، بنفس الوصف ونفس الصورة المرجعية.

TELL STORIES

كل فيلم كبير بدأ بفكرة صغيرة.

جرّبها، وابعتلي أول ستوري بورد تعمله بيها.

info@mohamedbahaa.org @bahaa.adesigner